ആലപ്പുഴ: പവര്‍ഹൗസ് വാര്‍ഡില്‍ ഇന്ദിരാഗാന്ധി ജന്മദിനാചരണവും മെഡിക്കല്‍ ക്യാംപും കാന്‍സര്‍ ഡിറ്റക്ഷന്‍ ക്യാംപും നടന്നു. ക്യാംപ് വാര്‍ഡ് കൗണ്‍സിലറും പവര്‍ഹൗസ് മണ്ഡലം കോണ്‍ഗ്രസ് കമ്മിറ്റി പ്രസിഡന്റുമായ എം.കെ നിസാര്‍ ഉദ്ഘാടനം ചെയ്തു. പവര്‍ഹൗസ് വാര്‍ഡിലെ 200 ലധികം പേര്‍ക്ക് ക്യാംപില്‍ ചികിത്സ ലഭ്യമാക്കി. ക്യാംപിന് ഐ.എം.എ പ്രസിഡന്റ് ഡോ. ആന്റണി, ഡോ കെ വേണുഗോപാല്‍, ഡോ. ജോസി, ഡോ. ലക്ഷ്മി മോഹന്‍ നേതൃത്വം നല്‍കി. ഉദ്ഘാടന യോഗത്തില്‍ കെ.എല്‍ ജോസഫ് അധ്യക്ഷത വഹിച്ചു. കൗണ്‍സിലര്‍ കരോളിന്‍ പീറ്റര്‍, രജി, ശക്തിധരന്‍, എന്‍ കെ നാസര്‍ പ്രസംഗിച്ചു.