കണ്ണൂര്‍: എക്‌സൈസ് സംസ്ഥാന കലാകായിക മേള നാളെ മുതല്‍ 23 വരെ ജില്ലയിലെ വിവിധ വേദികളില്‍ നടക്കും. തലശ്ശേരി സ്റ്റേഡിയം, കണ്ണൂര്‍ പൊലിസ് പരേഡ് ഗ്രൗണ്ട്, താവക്കര ഇന്‍ഡോര്‍ സ്റ്റേഡിയം, ജൂബിലി ഹാള്‍, മുനിസിപ്പല്‍ ഹയര്‍സെക്കന്‍ഡറി സ്‌കൂള്‍, കൃഷ്ണ മണ്ഡപം എന്നിവിടങ്ങളില്‍ മത്സരങ്ങള്‍ നടക്കും. കലാ, കായിക മത്സരങ്ങള്‍ നാളെ ആരംഭിക്കും.
മറ്റന്നാള്‍ രാവിലെ ഒന്‍പതിന് പൊലിസ് പരേഡ് ഗ്രൗണ്ടില്‍ മന്ത്രി ടി.പി രാമകൃഷ്ണന്‍ ഉദ്ഘാടനം ചെയ്യും. മന്ത്രി കടന്നപ്പള്ളി രാമചന്ദ്രന്‍ അധ്യക്ഷനാവും.
23നു വൈകുന്നേരം നാലിന് സമാപന സമ്മേളനം ജില്ലാ പഞ്ചായത്ത് പ്രസിഡന്റ് കെ.വി സുമേഷ് ഉദ്ഘാടനം ചെയ്യും. നാളെ തലശ്ശേരി സ്റ്റേഡിയത്തില്‍ ക്രിക്കറ്റ് മത്സരത്തില്‍ ദക്ഷിണ മേഖലാ ക്രിക്കറ്റ് ടീം ക്യാപ്റ്റനായി എക്‌സൈസ് കമ്മിഷണര്‍ ഋഷിരാജ് സിങ് മത്സരത്തിനിറങ്ങുമെന്നും സംഘാടകര്‍ വാര്‍ത്താസമ്മേളനത്തില്‍ അറിയിച്ചു.