വളാഞ്ചേരി: കായികമേളയ്ക്കിടെ വിദ്യാര്‍ഥികള്‍ ഏറ്റുമുട്ടിയതിനെ തുടര്‍ന്നു മേള നിര്‍ത്തിവച്ചു. സംഭവത്തില്‍ പത്തു വിദ്യാര്‍ഥികള്‍ക്കു പരുക്കേറ്റു. വളാഞ്ചേരി ഹൈസ്‌കൂളില്‍ നടന്നുവന്ന കുറ്റിപ്പുറം ഉപജില്ലാ കായികമേളയ്ക്കിടെയാണ് ഇരുവിഭാഗം വിദ്യാര്‍ഥികള്‍ ഏറ്റുമുട്ടിയത്.
ഇന്നലെ ഉച്ചഭക്ഷണത്തിനായി പിരിഞ്ഞ സമയത്താണ് വിവിധ സ്‌കൂളുകളില്‍നിന്നു വന്ന വിദ്യാര്‍ഥികള്‍ സംഘം ചേര്‍ന്ന് ഏറ്റുമുട്ടിയത്. പരുക്കേറ്റ വിദ്യാര്‍ഥികളെ വളാഞ്ചേരിയിലെ സ്വകാര്യ ആശുപത്രിയില്‍ പ്രവേശിപ്പിച്ചു. കണ്ടാലറിയുവുന്ന വിദ്യാര്‍ഥികള്‍ക്കെതിരേ നടപടിയെടുക്കുമെന്നും മേള നിര്‍ത്തിവച്ചതായും പിന്നീട് അധികൃതര്‍ അറിയിക്കുകയായിരുന്നു.