ചെമ്മാട്: ഇസ്‌ലാമിക തത്വങ്ങള്‍ ഉള്‍കൊണ്ടു മനഃശാസ്ത്ര രീതികളിലൂടെ രക്ഷാകര്‍തൃത്വത്തിന്റെ പാഠങ്ങള്‍ പരിശീലിപ്പിക്കാനും സംസ്‌കാരസമ്പന്നരായ ഭാവിതലമുറയെ വാര്‍ത്തെടുക്കാനും സുന്നി മഹല്ല് ഫെഡറേഷന്‍ സംസ്ഥാന കമ്മിറ്റിക്കു കീഴില്‍ നടത്തുന്ന പാരന്റിങ് സ്‌കൂള്‍ മഹല്ല് കമ്മിറ്റികള്‍ ഏറ്റെടുക്കണമെന്നു പാണക്കാട് സയ്യിദ് റഷീദലി ശിഹാബ് തങ്ങള്‍. ചെമ്മാട് ദാറുല്‍ഹുദായില്‍ നടന്ന എസ്.എം.എഫ് ജില്ലാ കൗണ്‍സിലില്‍ അധ്യക്ഷനായി സംസാരിക്കുകയായിരുന്നു അദ്ദേഹം.
യു. ശാഫി ഹാജി ചെമ്മാട് പാരന്റിങ് സ്‌കൂളിന്റെ പ്രവര്‍ത്തനങ്ങള്‍ വിശദീകരിച്ചു. ഡിസംബര്‍ 20ന് പാരന്റിങ് സ്‌കൂള്‍ ജില്ലാ ഓറിയന്റേഷന്‍ ക്യാംപ് ഉദ്ഘാടനം ദാറുല്‍ ഹുദായില്‍ നടക്കും. ജനുവരയില്‍ ജില്ലയിലെ മുഴുവന്‍ മഹല്ല്, മദ്‌റസകള്‍ കേന്ദ്രീകരിച്ചു പദ്ധതി നടപ്പിലാക്കും.
സയ്യിദ് മുഹമ്മദ് കോയ തങ്ങള്‍ ജമലുല്ലൈലി ഉദ്ഘാടനം ചെയ്തു. പി. കുഞ്ഞാണി മുസ്‌ലിയാര്‍, വി. കുഞ്ഞുട്ടി മുസ്‌ലിയാര്‍ സംസാരിച്ചു.
എ.വി ഇസ്മാഈല്‍ ഹുദവി ചെമ്മാട് റിപ്പോര്‍ട്ട് അവതരിപ്പിച്ചു.
കെ.കെ.എസ് ആറ്റക്കോയ തങ്ങള്‍ നെരിപ്പറമ്പ്, സി. യൂസുഫ് ഫൈസി, ബി.എസ്.കെ തങ്ങള്‍ എടവണ്ണപ്പാറ, ഇ.കെ കുഞ്ഞഹമ്മദ് മുസ്‌ലിയാര്‍, സൈതാലി മുസ്‌ലിയാര്‍ പന്തല്ലൂര്‍, പല്ലാര്‍ മുഹമ്മദ് കുട്ടി മുസ്‌ലിയാര്‍, അബ്ദുല്‍ സലാം മാസ്റ്റര്‍ തിരൂരങ്ങാടി, ടി.പി ഹസൈന്‍ മാസ്റ്റര്‍, ഒ.പി അലി മാസ്റ്റര്‍, സി.എച്ച് ബശീര്‍, അലി ഫൈസി കൊടുമുടി, പി.സി മുസ്തഫ ഹാജി, അമ്പായത്തിങ്ങല്‍ അബൂബക്കര്‍, കെ.ടി കുഞ്ഞാന്‍ ചുങ്കത്തറ, കെ.ടി കുഞ്ഞിമോയന്‍ ഹാജി വാണിയമ്പലം സംസാരിച്ചു.