കോഴിക്കോട്: കോഴിക്കോട് നഗരപാത വികസന പദ്ധതിയുടെ ഭാഗമായി ഗാന്ധിറോഡ്-മിനി ബൈപാസ് റോഡില്‍ വയനാട് റോഡ് (കിസ്ത്യന്‍ കോളജ്) ജങ്ഷന്‍ മുതല്‍ അശോകപുരം ജങ്ഷന്‍ വരെ റോഡ് നിര്‍മാണവും ബി.എസ്.എന്‍.എല്‍ മാന്‍ഹോള്‍ ഉയര്‍ത്തലുമായി ബന്ധപ്പെട്ട് നാളെ മുതല്‍ ഇനി ഒരറിയിപ്പ് നല്‍കുന്നതുവരെ വാഹന ഗതാഗത നിയന്ത്രണം ഉണ്ടായിരിക്കുന്നതാണെന്ന് പ്രൊജക്ട് മാനേജര്‍ അറിയിച്ചു.
ക്രിസ്ത്യന്‍ കോളജ് ജങ്ഷനിലേക്കു പോകുന്നവര്‍ ജവഹര്‍ കോളനി റോഡ്, കൊട്ടാരം റോഡ് വഴി വയനാട് റോഡിലൂടെ പോകേണ്ടതാണ്. ചെറൂട്ടി റോഡ്, ജാഫര്‍ഖാന്‍ കോളനി റോഡ് ഭാഗത്തേക്കു പോകേണ്ടവര്‍ ജവഹര്‍ നഗര്‍ കോളനി റോഡ് വഴി സെയില്‍സ് ടാക്‌സ് ഓഫിസ് മുന്‍വശത്തുകൂടി മിനി ബൈപാസ് റോഡില്‍ പ്രവേശിച്ച് പോകേണ്ടതാണ്.