തൃക്കരിപ്പൂര്‍: ജാമിഅ സഅദിയ ഇസ്‌ലാമിയ്യ കമ്മിറ്റിയുടെ കീഴില്‍ എസ്.കെ.എസ്.എസ്.എഫ് തൃക്കരിപ്പൂര്‍ മേഖലാ കമ്മിറ്റി മണിയനോടിയില്‍ പ്രവര്‍ത്തിപ്പിക്കുന്ന ജെംസ് ഇംഗ്‌ളീഷ് മീഡീയം സ്‌കൂള്‍ ആതിഥ്യമരുളുന്ന അഹ്മദ് കബീര്‍ ബാഖവിയുടെ ദ്വിദിന റബീഅ് പ്രഭാഷണത്തിന് ഇന്നു തൃക്കരിപ്പൂരില്‍ തുടക്കം.
വൈകിട്ട് ഏഴിനു തൃക്കരിപ്പൂര്‍ മിനി സ്റ്റേഡിയത്തില്‍ പാണക്കാട് സയ്യിദ് സാദിഖലി ശിഹാബ് തങ്ങള്‍ ഉദ്ഘാടനം ചെയ്യും. സംഘാട സമിതി ചെയര്‍മാന്‍ സയ്യിദ് ടി.കെ പൂക്കോയതങ്ങള്‍ അധ്യക്ഷനാകും.
യു.എം അബ്ദുറഹിമാന്‍ മുസ്‌ലിയാര്‍, മെട്രോ മുഹമ്മദ് ഹാജി വിശിഷ്ടാതിഥികളായിരിക്കും. തുടര്‍ന്നു 'മുത്ത് റസൂലിന്റെ നിയോഗവും വിയോഗവും' എന്ന വിഷയത്തില്‍ അഹമ്മദ് ഖബീര്‍ ബാഖവി പ്രഭാഷണം നടത്തും.