റിയാദ്: സ്ത്രീകളുടെ ചെരുപ്പിനിടയില്‍ ഒളിപ്പിച്ച നിലയില്‍ രാജ്യത്തേക്ക് മയക്കുമരുന്ന് ഗുളികകള്‍ കടത്താനുള്ള ശ്രമം അധികൃതര്‍ വിഫലമാക്കി. ജിദ്ദ തുറമുഖം വഴിയാണ് സ്ത്രീകളുടെ ചൈരുപ്പിന്റെ ഹീലുകള്‍ക്കുള്ളില്‍ ഭദ്രമായി ഒളിപ്പിച്ച നിലയില്‍ ഇവ കടത്താന്‍ ശ്രമം നടന്നത്. 346 പെട്ടികളിലായാണ് പാദരക്ഷകള്‍ കടത്തിയിരുന്നത്. പെട്ടിയിലെ എല്ലാ ചെരുപ്പുകള്‍ക്കുള്ളിലും ഗുളികകള്‍ കണ്ടെത്തി. കറ്റക്കാര്‍ക്കെതിരെ കര്‍ശന നടപടി സ്വീകരിക്കുമെന്ന് പശ്ചിമ മേഖല കസ്റ്റംസ് ഡയറക്ടര്‍ ജനറല്‍ പറഞ്ഞു.