കൊളംബോ: 11 ഇന്ത്യന്‍ മത്സ്യത്തൊഴിലാളികള്‍ ശ്രീലങ്കന്‍ നാവിക സേനയുടെ പിടിയില്‍. ശ്രീലങ്കയുടെ അതിര്‍ത്തിപ്രദേശത്തിനുള്ളില്‍ മത്സ്യബന്ധനം നടത്തിയെന്നാരോപിച്ചാണ് ഇവരെ പിടികൂടിയത്.

ഈ പ്രശ്‌നത്തില്‍ ശാശ്വത പരിഹാരം കാണണമെന്ന വിഷയത്തില്‍ ഇരുരാജ്യങ്ങള്‍ക്കിടയില്‍ ഉന്നത തല യോഗം നടന്ന് രണ്ടു ദിവസം പിന്നിടുന്നതിനിടെയാണ് സംഭവം.

ശ്രീലങ്കയുടെ നെടുന്തീവ് ദ്വീപിനു സമീപത്ത് മത്സ്യബന്ധനം നടത്തുകയായിരുന്ന തമിഴ്‌നാട്ടില്‍ നിന്നുള്ള തൊഴിലാളികളെയാണ് പിടികൂടിയത്. ഇവരുടെ രണ്ടു യന്ത്രവല്‍കൃത ബോട്ടുകളും ശ്രീലങ്ക പിടിച്ചെടുത്തിട്ടുണ്ട്.