റിയാദ് : വിനോദ പരിപാടിക്കിടെ സഊദിയില്‍ ബാലികയെ കടുവ ആക്രമിച്ചു. പ്രൊമോഷന്‍ ഷോയ്ക്കിടെ അഞ്ചു വയസ്സുകാരി ബാലികയെ കടുവ ആക്രമിച്ചത്. സകാക്കയിലുള്ള ഒരു മാര്‍ക്കറ്റിനു സമീപമാണ് സംഭവം.  മൃഗങ്ങളുമായി ബന്ധപ്പെട്ട വിനോദ പരിപാടിയുടെ ഭാഗമായി പരിശീലകന്‍ കടുവയുമായി എത്തിയതായിരുന്നു. ഇതിനിടെയാണ് കടുവ ബാലികയെ ആക്രമിച്ചത്. പരിശീലകന്‍ കൃത്യസമയത്ത് ഇടപെട്ടതുകൊണ്ട് മാത്രമാണ് കുട്ടിയുടെ ജീവന്‍ തിരിച്ചു കിട്ടിയത്. സംഭവത്തിന്റെ വീഡിയോ ദൃശ്യങ്ങള്‍ സാമൂഹ്യമാധ്യമങ്ങളില്‍ പ്രചരിക്കുന്നുണ്ട്.
സുരക്ഷാസംവിധാനങ്ങളുടെ പോരായ്മയാണ് സംഭവത്തിനു കാരണമെന്ന് ആരോപിച്ച് സാമൂഹ്യമാധ്യമങ്ങളില്‍ പലരും രംഗത്ത് വന്നിട്ടുണ്ട്.