അങ്കമാലി: ജോലിയും താമസ സൗകര്യവും വാഗ്ദാനം ചെയ്ത് ലൈംഗിക പീഡനം നടത്തിയ പ്രതി അറസ്റ്റില്‍. കൊല്ലം കരുനാഗപ്പിളളി എസ്.വി മാര്‍ക്കറ്റ് നടിയിലേത്ത് വീട്ടില്‍ ആന്റോ എന്നു വിളിക്കുന്ന ജോണിനെയാണ് ആലുവ ഡിവൈ.എസ്.പി കെ.ജി ബാബു കുമാറിന്റെ നിര്‍ദ്ദേശപ്രകാരം അങ്കമാലി പൊലിസ് സര്‍ക്കിള്‍ ഇന്‍സ്‌പെക്റ്റര്‍ എസ് മുഹമ്മദ് റിയാസ് അറസ്റ്റ് ചെയ്തത്.
യുവതിയെ ജോലി വാഗ്ദാനം ചെയ്ത് കരിയാട് ഭാഗത്ത് വീട് വാടകയ്ക്ക് എടുത്ത താമസിപ്പിച്ച് പീഡിപ്പിക്കുകയായിരുന്നു. 2015 മുതല്‍ വിവിധ സ്ഥലങ്ങളിലും കൊണ്ടു പോയി ലൈംഗികമായി പീഡിപ്പിക്കുകയായിരുന്നു. രംഗങ്ങള്‍ വീഡിയോയില്‍ പകര്‍ത്തി ഇന്‍ര്‍നെറ്റില്‍ പ്രചരിപ്പിക്കുമെന്ന് പറഞ്ഞ് ഭീഷണിപ്പെടുത്തിയാണ് പ്രതി യുവതിയെ തന്റെ ഇംഗിതത്തിന് വിധേയമാക്കിയിരുന്നത്.
ചെങ്ങമനാട് പൊലിസ് സബ് ഇന്‍സ്‌പെക്റ്റര്‍ കെ.ജി ഗോപകുമാര്‍, ടി.എം ജോണ്‍സന്‍, എ.സി.പി.ഒമാരായ എ.വി സുരേഷ്, എ.എ രവിക്കുട്ടന്‍, എ.കെ മുഹമ്മദ് അന്‍സാര്‍, വനിത സി.പി.ഒ രാജി എന്നിവരാണ് അന്വേഷണ സംഘത്തിലുണ്ടായിരുന്നത്. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.