കോതമംഗലം: സംസ്ഥാന ലൈബ്രറി കൗണ്‍സില്‍ സംഘടിപ്പിക്കുന്ന ഉണര്‍വ് സാംസ്‌ക്കാരിക ജാഥയ്ക്ക് താലൂക്ക് ലൈബ്രറി കൗണ്‍സിലിന്റെ നേതൃത്വത്തില്‍ നെല്ലീക്കുഴി യുഗ ദീപ്തി ലൈബ്രറിയില്‍ സ്വീകരണം നല്‍കി.
ജാതിരഹിത മതനിര പേക്ഷ സമൂഹത്തിന്റെ കാവാലാളാകുക, മാതൃഭാഷ സംരക്ഷിക്കുക എന്നി സന്ദേശങ്ങള്‍ ഉയര്‍ത്തിയാണ് ജാഥ പര്യടനം നടത്തുന്നത്. താലൂക്ക് അതിര്‍ത്തിയായ പുതുപ്പാടിയില്‍ നിന്ന് ജാഥയെ കോതമംഗലം നഗരസഭ ചെയര്‍പേഴ്‌സണ്‍ മഞ്ജു സിജു സ്വീകരിച്ചു. നെല്ലിക്കുഴില്‍ നടന്ന സ്വീകരണ യോഗം ആന്റണി ജോണ്‍ ഉദ്ഘാടനം ചെയ്തു.
ബ്ലോക്ക് പഞ്ചായത്ത് പ്രസിഡന്റ് റഷിദ സലീം അധ്യക്ഷത വഹിച്ചു. താലൂക്ക് ലൈബ്രറി കൗണ്‍സില്‍ പുറത്തിറക്കിയ സപ്ലിമെന്റിന്റെ പ്രകാശനം ജില്ല ലൈബ്രറി കൗണ്‍സില്‍ എക്‌സിക്യൂട്ടിവ് അംഗം കെ.ഒ കുര്യാക്കോസ് നിര്‍വ്വഹിച്ചു.
കെ.എം ബാബു, നെല്ലിക്കുഴി പഞ്ചായത്ത് പ്രസിഡന്റ് രഞ്ജിനി രവി, കവി എസ്.രമേശന്‍, എം.ആര്‍.സുരേന്ദ്രന്‍, സി.പി.മുഹമ്മദ്, മനാേജ് നാരായണന്‍, ലൈജു പൗലോസ്, വി.വി കുഞ്ഞപ്പന്‍, പി.എം മുഹമ്മദാലി, പി.കെ ബാപ്പുട്ടി, എന്നിവര്‍ സംസാരിച്ചു.
സ്വാഗത സംഘം കണ്‍വീനര്‍ എം.കെ ബാേസ് സ്വാഗതവും, ജാഥ ക്യാപ്റ്റന്‍ അഡ്വ.പി അപ്പുകുട്ടന്‍ നന്ദിയും പറഞ്ഞു.