രാജ്യത്തെ നടുക്കി വീണ്ടുമൊരു ട്രെയിന്‍ ദുരന്തം. ഉത്തര്‍പ്രദേശിലെ ഉള്‍നാടന്‍ പ്രദേശമായ പൊക്രായനില്‍ ഇന്‍ഡോര്‍-പട്‌ന എക്‌സ്പ്രസിന്റെ 14 ബോഗികളാണ് പാളം തെറ്റിയത്.
ആധുനിക സജ്ജീകരണങ്ങള്‍ റെയില്‍വേയില്‍ ഒരുക്കുമ്പോഴും തുടര്‍ച്ചയായ ദുരന്തങ്ങള്‍ ആശങ്കയാണ് ഉണ്ടാക്കുന്നത്. ഉത്തര്‍ പ്രദേശിലും റായ്പൂരിലും ഇന്നലെയുണ്ടായ രണ്ട് അപകടങ്ങളടക്കം 11 ട്രെയിന്‍ അപകടങ്ങളാണ് ഈ വര്‍ഷം ഉണ്ടായത്.
=ഫെബ്രുവരി-5: കന്യാകുമാരി-ബംഗളൂരു എക്‌സ്പ്രസിന്റെ 9 കോച്ചുകള്‍ വെല്ലൂരിനടുത്ത് പാളം തെറ്റി-14 പേര്‍ക്ക് പരുക്ക്.
=മെയ്-1: ഹാപ്പൂരിനടുത്ത് ഓള്‍ഡ് ഡല്‍ഹി-ഫൈസാബാദ് എക്‌സ്പ്രസ് പാളം തെറ്റി-ആര്‍ക്കും പരുക്കില്ല.
=മെയ്-06: തമിഴ്‌നാട്ടിലെ പട്ടാഭിരാമില്‍ ചെന്നൈ-തിരുവനന്തപുരം സൂപ്പര്‍ ഫാസ്റ്റ് എക്‌സ് ലോക്കല്‍ ട്രെയിനുമായി തട്ടി ആറുപേര്‍ക്ക് പരുക്കേറ്റു.
=മെയ്-19: കന്യാകുമാരി-ദിബ്രുഗഡ് വിവേക് എക്‌സ്പ്രസ് നാഗര്‍കോവിലിനടുത്ത് പാളം തെറ്റി-ആര്‍ക്കും പരുക്കില്ല.
=ജൂലൈ-26: കിഴക്കന്‍ ഉത്തര്‍പ്രദേശില്‍ പാസഞ്ചര്‍ ട്രെയിന്‍ സ്‌കൂള്‍ ബസിലിടിച്ച് എട്ടു കുട്ടികള്‍ മരിച്ചു. പത്തുവയസില്‍ താഴെയുള്ളവരായിരുന്നു മരിച്ച കുട്ടികള്‍. റെയില്‍വേ ലെവല്‍ ക്രോസിലായിരുന്നു അപകടം.
=ഓഗസ്റ്റ് -28: കറുകുറ്റിക്കു സമീപം തിരുവനന്തപുരം -മംഗലാപുരം എക്‌സ്പ്രസിന്റെ 12 കോച്ചുകള്‍ പാളം തെറ്റി-ആര്‍ക്കും പരുക്കില്ല.
=സെപ്തംബര്‍- 20: കരുനാഗപ്പള്ളിയില്‍ ചരക്കുവണ്ടി പാളം തെറ്റി. ആര്‍ക്കും പരുക്കില്ല. തിരുവനന്തപുരം-എറണാകുളം പാതയിലെ ട്രെയിന്‍ ഗതാഗതം മുടങ്ങി.
=സെപ്തംബര്‍- 30: ഭുവനേശ്വര്‍-ഭദ്രക് പാസഞ്ചര്‍ ഒഡീഷയിലെ കട്ടക്കില്‍ ചരക്കുതീവണ്ടിയുമായി കൂട്ടിയിടിച്ച് രണ്ടുപേര്‍ മരിച്ചു. 27 പേര്‍ക്ക് പരുക്കേറ്റു.
=ഒക്ടോബര്‍- 5: 165 യാത്രക്കാരുമായി പോയ ജമ്മുതാവി-പൂനെ ഝലം എക്‌സ്പ്രസ് പാളം തെറ്റി. ട്രെയിനിന്റെ ഒന്‍പത് കോച്ചുകളാണ് പാളം തെറ്റിയത്. മൂന്നുപേര്‍ക്ക് പരുക്കേറ്റു.
=നവംബര്‍-18: രാജസ്ഥാനിലെ ശ്രീഗംഗാനഗര്‍ ജില്ലയില്‍ ഭാട്ടിന്‍ഡ-ജോധ്പുര്‍ പാസഞ്ചര്‍ പാളംതെറ്റി. 12 പേര്‍ക്ക് പരുക്കേറ്റു.