റിയാദ്: മുംബൈ ആസ്ഥാനമായുള്ള ഹാര്‍മണി ഫൗണ്ടേഷന്‍ നല്‍കുന്ന മദര്‍ തെരേസ അന്താരാഷ്ട്ര പുരസ്‌കാരം യു.എ.ഇ വിദേശകാര്യ മന്ത്രി ശൈഖ് അബ്ദുല്ല ബിന്‍ സായിദ് അല്‍ നഹ്‌യാന്. യുവാക്കളെ തീവ്രവാദ സംഘങ്ങളില്‍ അകപ്പെടുന്നതില്‍ നിന്ന് പിന്തിരിപ്പിക്കുന്നതിനായി ഷെയ്ഖ് അബ്ദുല്ല നടത്തിയ പ്രവര്‍ത്തനങ്ങളുടെ ഭാഗമായാണ് പുരസ്‌കാരം നല്‍കുന്നത്.
പശ്ചിമേഷ്യയില്‍ സമാധാനം കൊണ്ടുവരുന്നതില്‍ ഷെയ്ഖ് അബ്ദുല്ല നല്‍കിയ സേവനങ്ങള്‍ മഹത്തരമെന്ന് ഫൗണ്ടേഷന്‍ പ്രസിഡന്റ് ഡോ. അബ്രഹാം മത്തായി പറഞ്ഞു.