അമ്പലപ്പുഴ: പുന്നപ്രയില്‍ മാലിന്യം കുന്നുകൂടുന്നു.പ്രദേശവാസികള്‍ ദുരിതത്തില്‍.ദേശീയപാതയില്‍ കുറവന്‍തോട് മുസ്ലിം ദേവാലയത്തിന് വടക്ക് മാലിന്യം കുന്നുകൂടുന്നു.പ്രദേശവാസികളും ദേവാലയങ്ങളില്‍ പ്രാര്‍ത്ഥനയ്ക്ക് എത്തുന്നവര്‍ മൂക്കുംപൊത്തിയാണ് യാത്ര. പ്രദേശത്തെ ഹോട്ടല്‍ മാലിന്യങ്ങളും പുറത്തു നിന്നും എത്തിയ്ക്കുന്ന കോഴികളുടെ അവശിഷ്ടങ്ങളും ചീഞ്ഞ് അഴുകി ദുര്‍ഗന്ധം വമിയ്ക്കുകയും കൊതുകും കൂത്താടികളും മുട്ടയിട്ട് പെരുകുകയുമാണ്. പുന്നപ്ര തെക്ക് പഞ്ചായത്ത് പത്താം വാര്‍ഡിന്റെ മുഖ്യ പ്രദേശമാണ് മാലിന്യ നിക്ഷേപ കേന്ദ്രമായി മാറിയത്. നാട്ടുകാര്‍ ആരോഗ്യവകുപ്പില്‍ പരാതിപ്പെട്ടങ്കിലും മാലിന്യ നിര്‍മാര്‍ജ്ജനം തങ്ങളുടെ ജോലിയല്ലന്നും, പഞ്ചായത്താണ് നടപടി സ്വീകരിയ്ക്കണ്ടതെന്നുമാണ് ആരോഗ്യവകുപ്പിന്റെ ഭാഷ്യം.