ജില്ലയിലെ അങ്കണവാടികള്‍ നേരിടുന്ന പ്രധാനപ്രശ്‌നം സ്വന്തമായി സ്ഥലവും കെട്ടിടവുമില്ല എന്നതാണ്. ആരെങ്കിലും അങ്കനവാടിക്കായി സ്ഥലം സൗജന്യമായി വിട്ടു നല്‍കിയാല്‍ ഇപ്പോള്‍ തനത് ഫണ്ട് ഉപയോഗിച്ചോ, എം.എല്‍.എ ഫണ്ട് ഉഫയോഗിച്ചോ കെട്ടിടം നിര്‍മിക്കാനുള്ള സാഹചര്യമുണ്ട്. ജില്ലയില്‍ 25 ഓളം അങ്കണവാടികള്‍ക്കാണ് സ്വന്തമായി കെട്ടിടമില്ലാത്തത്. കുട്ടികളെ ആധാര്‍ കാര്‍ഡുമായി ബന്ധിപ്പിക്കുന്ന പദ്ധതിയുമായി സഹകരിക്കാന്‍ ചില രക്ഷിതാക്കള്‍ തയാറാകാത്തത് പദ്ധതിയെ കാര്യമായി ബാധിക്കുന്നുണ്ട്. അക്ഷയ മുഖാന്തരമാണ് ആധാര്‍ കാര്‍ഡുമായി ബന്ധിപ്പിക്കുന്നത്. ഇത്തവണ ഏറ്റവും നല്ല അങ്കണവാടിക്ക് ജില്ലയില്‍ അവാര്‍ഡു നല്‍കാന്‍ സര്‍ക്കാര്‍ തീരുമാനിച്ചിട്ടുണ്ട്.