വെങ്കിടങ്ങ്: കൂര്‍ക കൃഷി പദ്ധതിക്ക് പിറകെ കപ്പലണ്ടി കൃഷിയിലും നൂറുമേനി വിളവുമായി വെങ്കിടങ്ങ് ഗ്രാമപഞ്ചായത്ത് മുന്നേറുന്നു. പൊലിവ് പദ്ധതി പ്രകാരം പന്ത്രണ്ടാം വാര്‍ഡിലെ കുടുംബശ്രീയിലെ ശ്രീ സൗഭാഗ്യ യൂനിറ്റാണ് കപ്പലണ്ടി കൃഷിയില്‍ മിന്നുന്ന വിജയം നേടിയത്. കഴിഞ്ഞ ദിവസം നടന്ന വിളവെടുപ്പ് ഗ്രാമപഞ്ചായത്ത് പ്രസിഡന്റ് രതി എന്‍ ശങ്കര്‍ ഉദ്ഘാടനം ചെയ്തു. സി.ഡി.എസ് ചെയര്‍പേഴ്‌സണ്‍ ഷീജ രാജീവ് അധ്യക്ഷയായി. ശോഭന മുരളി, അമ്മിണി കുഞ്ഞയ്യപ്പന്‍, പ്രീത കരുവന്തല സംസാരിച്ചു.