കൊച്ചി: ഇരുമ്പനം ഐ.ഒ.സി പ്ലാന്റിലെ ടാങ്കര്‍ ലോറി തൊഴിലാളികള്‍ നടത്തിവന്ന സമരം തുടരും. സമരം അവസാനിപ്പിക്കുന്നതുമായി ബന്ധപ്പെട്ട് ഇന്ന് രാവിലെ ചേര്‍ന്ന കോ-ഓഡിനേഷന്‍ കമ്മിറ്റിയില്‍ തീരുമാനമായില്ല. എന്നാല്‍, കെ.എസ്.ആര്‍.ടി.സിക്ക് നല്‍കുന്ന ഇന്ധനം തടയില്ലെന്നും സമരക്കാര്‍ പറഞ്ഞു.

കഴിഞ്ഞ മൂന്നു മാസത്തിനിടെ നടക്കുന്ന നാലാമത്തെ സമരമാണ് ഐ.ഒ.സിയുടെ ഇരുമ്പനം പ്ലാന്റില്‍ നടക്കുന്നത്. ടാങ്കര്‍ തൊഴിലാളികളുടെ നിരന്തരസമത്തില്‍ പ്രതിഷേധിച്ച് സംസ്ഥാനത്ത് ചൊവ്വാഴ്ച മുതല്‍ പെട്രോള്‍ പമ്പുകള്‍ അടച്ചിടുമെന്ന് പമ്പ് ഉടമകള്‍ അറിയിച്ചു. ടെന്‍ഡര്‍ വ്യവസ്ഥകള്‍ക്കെതിരേയാണ് തൊഴിലാളികള്‍ സമരം നടത്തുന്നത്.