കോഴിക്കോട്: ജില്ലാ ഗുസ്തി അസോസിയേഷനും പി.ടി.എസ് ഹെല്‍ത്ത് ആന്‍ഡ് മാര്‍ഷ്യല്‍ ആര്‍ട്‌സ് അക്കാദമിയും സംയുക്തമായി സംഘടിപ്പിച്ച ജില്ലാ ഗുസ്തി ചാംപ്യന്‍ഷിപ്പില്‍ പി.ടി.എസ് ഹെല്‍ത്ത് ആന്‍ഡ് മാര്‍ഷ്യല്‍ ആര്‍ട്‌സ് അക്കാദമി ഓവറോള്‍ ചാംപ്യന്‍മാരായി. കുറ്റിക്കാട്ടൂര്‍ ഇന്ത്യന്‍ മള്‍ട്ടി ജിം രണ്ടാം സ്ഥാനവും പുതിയങ്ങാടി എ.കെ.ബി ജിം മൂന്നാം സ്ഥാനവും നേടി. ഒന്നാം സ്ഥാനം നേടിയവര്‍ ഡിസംബര്‍ 2, 3, 4 തിയതികളില്‍ കോഴിക്കോട് വി.കെ കൃഷ്ണമേനോന്‍ ഇന്‍ഡോര്‍ സ്‌റ്റേഡിയത്തില്‍ നടക്കുന്ന സംസ്ഥാന ചാംപ്യന്‍ഷിപ്പില്‍ ജില്ലയെ പ്രതിനിധീകരിക്കും. സംസ്ഥാന ഗുസ്തി അസോസിയേഷന്‍ വൈസ് പ്രസിഡന്റ് പി.ടി സുന്ദരന്‍ അധ്യക്ഷനായി. സി. പ്രേമേന്ദ്രന്‍, എം. ഹാരിസ്, എം.കെ ചന്ദ്രന്‍, വി. വാസു, പി.ബി പ്രണോബ്, സുമേഷ് ഗോവിന്ദ് സംസാരിച്ചു. ജില്ലാ ഗുസ്തി അസോസിയേഷന്‍ സെക്രട്ടറി എ.കെ ബാലകൃഷ്ണന്‍ സ്വാഗതവും പഞ്ചഗുസ്തി അസോസിയേഷന്‍ ജില്ലാ സെക്രട്ടറി പി. കൃഷ്ണമൂര്‍ത്തി നന്ദിയും പറഞ്ഞു.