കോഴിക്കോട്: ദേശാഭിമാനി പത്രത്തിനെതിരേ ഓഫിസ് മതിലിലും സമീപത്തും ഡി.വൈ.എഫ്.ഐ പോസ്റ്റര്‍ പതിച്ചു. കൂത്തുപറമ്പ് രക്തസാക്ഷി ദിനത്തില്‍ കോമഡിഷോ സംഘടിപ്പിക്കുന്നതിനെതിരേയാണ് പോസ്റ്റര്‍. രക്തസാക്ഷികളെ വിലകുറച്ചു കാണിച്ച ദേശാഭിമാനിയുടെ നടപടിക്കെതിരേ പാര്‍ട്ടി ഇടപെടണമെന്ന് പോസ്റ്ററില്‍ ആവശ്യപ്പെടുന്നു.

'ശരീഅത്ത് സംരക്ഷണ റാലി വിജയിപ്പിക്കും'

ബേപ്പൂര്‍: ഫറോക്കില്‍ നടക്കുന്ന ശരീഅത്ത് സംരക്ഷണ റാലി വിജയിപ്പിക്കാന്‍ ബേപ്പൂര്‍ മേഖലാ സമസ്ത കോഡിനേഷന്‍ കമ്മിറ്റി തീരുമാനിച്ചു. എസ്.വൈ.എസ് മണ്ഡലം കമ്മിറ്റി ജനറല്‍ സെക്രട്ടറി പി.ടി അശ്‌റഫ് ബാഖവി യോഗം ഉദ്ഘാടനം ചെയ്തു. ബാവ ഹാജി അധ്യക്ഷനായി. മുസ്തഫ യമാനി, അബ്ദുറശീദ് ദാരിമി, ത്വാഹ യമാനി, റാഫി മാസ്റ്റര്‍ പ്രസംഗിച്ചു.