മലപ്പുറം: മതസൗഹാര്‍ദത്തിനും പരസ്പര സ്‌നേഹത്തിനും രാജ്യത്ത് തന്നെ മാതൃകയായ ജില്ലയെ കലാപഭൂമിയാക്കാന്‍ വര്‍ഗീയ ശക്തികള്‍ നടത്തുന്ന ആസൂത്രിത ശ്രമങ്ങളെ തിരിച്ചറിയണമെന്ന് എസ്.കെ.എസ്.എസ്.എഫ് ജില്ലാ കമ്മിറ്റി ആവശ്യപ്പെട്ടു. കൊടിഞ്ഞി കൊലപാതകത്തിലൂടെ നാട്ടിലെ സമാധാനം തകര്‍ത്ത് മുതലെടുപ്പ് നടത്താനുള്ള വര്‍ഗീയവാദികളുടെ ശ്രമം തിരിച്ചറിയണം. മരണപ്പെട്ട ഫൈസലിന്റെ വസതിയില്‍ സംസ്ഥാന സെക്രട്ടറി പി.എം റഫീഖ് അഹമ്മദ്, ജില്ലാ ജനറല്‍ സെക്രട്ടറി ശഹീര്‍ അന്‍വരി പുറങ്ങ്, അനീസ് ഫൈസി മാവണ്ടിയൂര്‍, ഉമറലി തങ്ങള്‍, റാസി ബാഖവി, ഉമര്‍ ദാരിമി, മുഹമ്മദലി തിരൂരങ്ങാടി, നൗഷാദ് ചെട്ടിപ്പടി, റസാഖ് പുതുപൊന്നാനി എന്നിവരുടെ നേതൃത്വത്തില്‍ സന്ദര്‍ശിച്ചു.