കണ്ണൂര്‍: എക സിവില്‍കോഡിനെതിരേ ജില്ലയില്‍ ശരീഅത്ത് സംരക്ഷണ ബഹുജന മാര്‍ച്ചും സമ്മേളനവും നടത്താനുള്ള കാര്യങ്ങള്‍ ചര്‍ച്ച ചെയ്യുന്നതിനായി സമസ്തയുടെയും കീഴ്ഘടകങ്ങളുടെയും സംയുക്ത നേതൃസംഗമം നാളെ രാവിലെ 10ന് കണ്ണൂര്‍ ഇസ്‌ലാമിക് സെന്ററില്‍ നടക്കും. മുഴുവന്‍ അംഗങ്ങളും കൃത്യസമയത്ത് എത്തണമെന്നു സമസ്ത ജില്ലാ പ്രസിഡന്റ് പി.കെ.പി അബ്ദുസലാം മുസ്‌ലിയാര്‍, ജനറല്‍സെക്രട്ടറി മാണിയൂര്‍ അഹ്മദ് മുസ്‌ലിയാര്‍, ട്രഷറര്‍ കെ.കെ.പി അബ്ദുല്ല മുസ്‌ലിയാര്‍, ജില്ലാ നാഇബ് ഖാസി പി.പി ഉമര്‍ മുസ്‌ലിയാര്‍ എന്നിവര്‍ അഭ്യര്‍ഥിച്ചു.

ഇര്‍ഫാനിയ്യ: രജതജൂബിലി പ്രചാരണ ഉദ്ഘാടനം

കണ്ണൂര്‍: ചപ്പാരപ്പടവ് ജാമിഅ: ഇര്‍ഫാനിയ്യയുടെ ഫെബ്രുവരി 23 മുതല്‍ 26 വരെ നടക്കുന്ന രജതജൂബിലി പ്രചാരണ സമ്മേളനം സയ്യിദ് അസ്‌ലം തങ്ങള്‍ അല്‍ മഷ്ഹൂര്‍ ഉദ്ഘാടനം ചെയ്തു.
ഏക സിവില്‍കോഡ് എന്ന വിഷയം ഓണംപിള്ളി മുഹമ്മദ് ഫൈസിയും 'ഹാപ്പി ലൈഫ്' എന്ന വിഷയം ഡോ. അഷ്‌റഫ് അഷ്ഫിയും അവതരിപ്പിച്ചു. സലീം ഫൈസി ഇര്‍ഫാനി അധ്യക്ഷനായി.
സയ്യിദ് ഉമര്‍കോയ തങ്ങള്‍ മാട്ടൂല്‍, സയ്യിദ് ഗാലിബ് തങ്ങള്‍, ഉമര്‍ ഫൈസി ബ്ലാത്തൂര്‍, അഹ്മദ് തേര്‍ളായി, ഇബ്രാഹിം ബാഖവി പൊന്ന്യം, ബഷീര്‍ അസ്അദി നമ്പ്രം, ഷുക്കൂര്‍ ഫൈസി, അബ്ദുസലാം ഇരിക്കൂര്‍, ഉസ്മാന്‍ ഹാജി വേങ്ങാട്, പി.പി മുഹമ്മദ് കുഞ്ഞി, ഇബ്രാഹിംകുട്ടി തിരുവട്ടൂര്‍, റഫീഖ് ഇര്‍ഫാനി, സ്വലിഹ് ഇര്‍ഫാനി സംസാരിച്ചു.