പാലക്കാട്: സമസ്ത ജില്ല കോര്‍ഡിനേഷന്‍ കമ്മിറ്റി ഡിസംബര്‍ മൂന്നിന് ശനിയാഴ്ച്ച പാലക്കാട് നടത്തുന്ന ശരീഅത്ത് സംരംക്ഷണ റാലിയും പൊതു സമ്മേളനവും വിജയിപ്പിക്കാന്‍ ആവശ്യമായ പ്രചാരണ പ്രവര്‍ത്തനങ്ങളുടെഅവലോകന യോഗം ജന്നത്തുല്‍ ഉലൂം അറബിക് കോളജില്‍ നടന്നു.
25 ന് വെള്ളിയാഴ്ച പള്ളികളില്‍ ഇത് സംബംന്ധമായി ബോധവല്‍ക്കരണം നടത്താനും 30 ന് ബുധനാഴ്ച്ച റെയ്ഞ്ച് ജംഇയ്യത്തുല്‍ മുഅല്ലിമീന്റെ നേതൃത്വത്തില്‍ നടത്തുന്ന വാഹന പ്രചരണ ജാഥക്ക് അതത് കേന്ദ്രങ്ങളില്‍ സ്വീകരണ നല്‍കാനും തീരുമാനിച്ചു. മുഫത്തിശ് ടി.പി അബൂബക്കര്‍ മുസ്‌ലിയാര്‍ അധ്യക്ഷനായി. ഇ അലവി ഫൈസി കുളപ്പറമ്പ് ഉദ്ഘാടനം ചെയ്തു. സു മുഹമ്മദലി ഫൈസി കോട്ടോപ്പാടം മുഖ്യ പ്രഭാഷണം നടത്തി. പ്രൊഫ. ഹുസൈന്‍ മന്നാനി, പി.ടി ഹംസ ഫൈസി, മുഫത്തിശ് മജീദ് ദാരിമി, സക്കരിയ്യ, നസീര്‍ ദാരിമി, റഷീദ് ഉലൂമി, സജീര്‍ പേഴുംകര, അഷ്‌റഫ് ഫൈസി, മുജീബ് ഉലൂമി, ജാഫര്‍ സംബന്ധിച്ചു. ഇ.വി ഖാജ ദാരിമി സ്വാഗതവും സൈഫുദ്ദീന്‍ ഉലൂമി നന്ദിയും പറഞ്ഞു.