തൃശ്ശൂര്‍: കൊടുങ്ങല്ലൂരില്‍ ആഹ്ലാദപ്രകടനത്തിനിടെ നടന്ന സംഘര്‍ഷത്തില്‍ പരുക്കേറ്റ ബി.ജെ.പി പ്രവര്‍ത്തകന്‍ മരിച്ചു. എടവിലങ്ങ് സ്വദേശി പ്രമോദ്(33) ആണ് മരിച്ചത്. തൃശ്ശൂരില്‍ നാളെ ഹര്‍ത്താലിന് ബി.ജെ.പി ആഹ്വാനം ചെയ്തു. ഇന്നലെ ഉച്ചയ്ക്ക് രണ്ടു മണിയോടെയാണ് സംഭവം. തെരഞ്ഞെടുപ്പ് ഫലം വന്ന ശേഷം ബി.ജെ.പി സി.പി.എം പ്രവര്‍ത്തകര്‍ തമ്മില്‍ സംഘര്‍ഷമുണ്ടായി ഇതിനിടയില്‍ പ്രമോദിന് തലയ്ക്ക് അടിയേറ്റതായും ഇതാണ് മരണകാരണമായതെന്നും ബി.ജെ.പി ആരോപിച്ചു. സ്വകാര്യ ആശുപത്രിയില്‍ ചികിത്സയിലായിരുന്ന പ്രമോദ് 12.45 ഓടെയാണ് മരണപ്പെട്ടത്.