കൊല്ലം: ആധുനിക സിഗ്നലിങ് സംവിധാനം ഉള്‍പ്പെടെയുളള സുരക്ഷാ ക്രമീകരണങ്ങള്‍ നടപ്പിലാക്കാതെ ട്രെയിന്‍ യാത്രക്കാരുടെ ജീവന്‍ പന്താടുന്നത് അവസാനിപ്പിക്കണമെന്ന് റെയില്‍വേ പാസഞ്ചേഴ്‌സ് അസ്സോസിയേഷന്‍ സംസ്ഥാന പ്രസിഡന്റ് പരവൂര്‍ സജീബ്, ജില്ലാ പ്രസിഡന്റ് ടി.പി.ദിപുലാല്‍ എന്നിവര്‍ ആവശ്യപ്പെട്ടു.
റെയില്‍വേയുടെ ഉദാസീന നിലപാടിന്റെ ഒടുവിലത്തെ ഉദാഹരണമാണ് കാണ്‍പൂരിലുണ്ടായ അപകടം. അപകടം ഉണ്ടാകുമ്പോള്‍ സുരക്ഷയെ കുറിച്ച് വാതോരാരതെ സംസാരിക്കുന്ന റെയില്‍വേ അധികൃതര്‍ പിന്നീട് അവയെല്ലാം മറക്കുകയാണ് പതിവ്.
വിഷയത്തില്‍ കേന്ദ്ര സര്‍ക്കാര്‍ അടിയന്തിരമായി ഇടപെടണമെന്നും ഭാരവാഹികള്‍ ആവശ്യപ്പെട്ടു.