വര്‍ക്കല : കേന്ദ്ര ഗവണ്‍മെന്റിന്റെ വികസന, ക്ഷേമ പദ്ധതികളെക്കുറിച്ച് പ്രതിപാദിക്കുന്ന ത്രിദിന ബോധവല്‍ക്കരണ പരിപാടിയും ഫോട്ടോ പ്രദര്‍ശനവും സംഘടിപ്പിക്കുന്നു.
ഇന്ന് രാവിലെ 10.30ന് വര്‍ക്കല ടൗണ്‍ ഹാളില്‍ നടക്കുന്ന ചടങ്ങില്‍ മുനിസിപ്പല്‍ ചെയര്‍പേഴ്‌സണ്‍ ബിന്ദു ഹരിദാസ് ഉദ്ഘാടനം നിര്‍വഹിക്കും. സാമൂഹ്യ സുരക്ഷാ പദ്ധതികളെക്കുറിച്ചും മുദ്രാ ബാങ്കനെക്കുറിച്ചും ഐ. ഒ. ബി റിട്ട. മാനേജര്‍മാരായ ശശിധരന്‍, കുമാര ദാസ് തുടങ്ങിയവര്‍ ക്ലാസ് എടുക്കും.
നാളെ ജീവിത ശൈലീ രോഗങ്ങളെക്കുറിച്ചും ആരോഗ്യ പരിപാലനത്തെക്കുറിച്ചും സി. ഉദയകുമാര്‍ ക്ലാസ് നയിക്കും. കേന്ദ്ര പരസ്യ ദൃശ്യ പ്രചാരണ വിഭാഗവും (ഡി എ വി പി) കേന്ദ്ര ഫീല്‍ഡ് പബ്ലിസിറ്റി വിഭാഗവും വര്‍ക്കല മുനിസിപ്പാലിറ്റിയുമായി സഹകരിച്ചാണ് പരിപാടി സംഘടിപ്പിക്കുന്നത്. 24നു സമാപിക്കും.