ദമ്മാം: ദമ്മാമില്‍ നിന്നും കൊച്ചിയിലേക്ക് എയര്‍ ഇന്ത്യ എക്‌സ്പ്രസ് നേരിട്ടുള്ള പുതിയ സര്‍വീസ് ആരംഭിക്കുന്നു. ആഴ്ചയില്‍ മൂന്നുദിവസമുള്ള എയര്‍ ഇന്ത്യ എക്‌സ്പ്രസിന്റെ ആദ്യ വിമാനം നാളെ (ശനി) പറന്നുയരും. ചൊവ്വ, വ്യാഴം, ശനി എന്നീ ദിവസങ്ങളിലാണ് വിമാന സര്‍വീസ്. രാത്രി രണ്ട് മണിക്ക് കൊച്ചിയില്‍ നിന്നും പുറപ്പെട്ട് പുലര്‍ച്ചെ പ്രാദേശിക സമയം നാലു മണിക്ക് വിമാനം ദമ്മാമിലെത്തും. രാവിലെ അഞ്ചു മണിയോടെ ഇതേ വിമാനം കൊച്ചിയിലേക്ക് തിരിച്ചും സര്‍വീസ് നടത്തും.

നിലവില്‍ ദമ്മാമില്‍ നിന്ന് കോഴിക്കോട്, മംഗലാപുരം വിമാനത്താവളത്തിലേക്ക് മാത്രമാണ് എക്‌സ്പ്രസ് നേരിട്ടുള്ള യാത്ര നടത്തുന്നത്. മാത്രമല്ല എക്‌സ്പ്രസിന്റെ സഊദിയില്‍ നിന്നുള്ള ഏക സര്‍വീസും ദമാമില്‍ നിന്നാണ്. റമദാന്‍ ,സ്‌കൂള്‍ വെക്കേഷന്‍ സമയത്ത് തന്നെ പുതിയ സര്‍വീസ് ആരംഭിക്കുന്നത് ഈ റൂട്ടിലെ യാത്രക്കാര്‍ക്ക് ഏറെ ആശ്വസകരമാണ്. 170 സീറ്റുള്ള വിമാനത്തില്‍ ഒരു യാത്രക്കാരന് 30 കിലോ ബാഗേജും 7 കിലൊ ഹാന്‍ഡ് ബാഗേജും അനുവദിക്കുന്നുണ്ട്.