കൊട്ടാരക്കര: വിവിധ കേസുകളില്‍പ്പെട്ട് കൊട്ടാരക്കര പൊലിസ് സ്റ്റേഷനില്‍ പിടിച്ചിട്ടിരുന്ന ഇരുചക്രവാഹനങ്ങള്‍ ലേലം ചെയ്തു. 26 വാഹനങ്ങളാണ് ലേലത്തില്‍ പോയത്. ഇതിന്റെ ഇരട്ടിയിലധികം ഇരുചക്ര വാഹനങ്ങള്‍ വീണ്ടും അവശേഷിക്കുന്നുണ്ട്. ഓണ്‍ലൈന്‍ നടപടികളിലൂടെയാണ് വാഹനങ്ങളുടെ ലേലം നടന്നത്. ആലപ്പുഴ ജില്ലയില്‍ പ്രവര്‍ത്തിക്കുന്ന വാഹനങ്ങള്‍ പൊളിച്ചു വില്‍ക്കുന്ന മൊത്ത വ്യാപാര സ്ഥാപനമാണ് ലേലം നേടിയത്. ഓണ്‍ലൈന്‍ അല്ലാതെ മറ്റു പരസ്യങ്ങള്‍ ഇല്ലാതിരുന്നതിനാല്‍ തദ്ദേശ വാസികള്‍ക്ക് വാഹനങ്ങള്‍ നേടാന്‍ കഴിഞ്ഞില്ല.