14ാമത് നിയമസഭാ തെരഞ്ഞെടുപ്പില്‍ 140 ല്‍ 91 മണ്ഡലങ്ങളിലും വെന്നിക്കൊടി പാറിച്ച ഇടതുപക്ഷം ഇനി അഞ്ചു വര്‍ഷം കേരളം ഭരിക്കും.കേരള ചരിത്രത്തിലാദ്യമായി താമര വിരിയിച്ച് ബി.ജെ.പിയും അക്കൗണ്ട് തുറന്നു.സ്വതന്ത്രനായി മത്സരിച്ച് പൂഞ്ഞാറില്‍ പി.സി ജോര്‍ജും താരമായി. മെയ് 19 കേരളത്തില്‍ ചുവപ്പിന്റെ ആഘോഷമായിരുന്നു. അഞ്ചു വര്‍ഷം കേരളം ഭരിക്കാന്‍ പോകുന്നവരെ ചുമലിലേറ്റിയും കൊടികള്‍ വാനിലുയര്‍ത്തിയും അവര്‍ ആഹ്ലാദം പങ്കുവെച്ചു.