ഈരാറ്റുപേട്ട: ഉപജില്ലാ സ്‌കൂള്‍ കലോത്സവം നവംബര്‍ 28, 29, 30, ഡിസംബര്‍ 1 തീയതികളില്‍ പൂഞ്ഞാര്‍ സെന്റ് ആന്റണീസ് ഹയര്‍ സെക്കന്‍ഡറി സ്‌കൂളില്‍ നടക്കും.
മേളയുടെ സുഗമമായ നടത്തിപ്പിനായി സ്വാഗതസംഘവും വിവിധ കമ്മിറ്റികളും രൂപീകരിച്ചു. പി.സി.ജോര്‍ജ്ജ് എം.എല്‍.എ, ആന്റോ ആന്റണി എം.പി, ജോയി എബ്രാഹം എം.പി, ജോസ് കെ. മാണി എം.പി, കോര്‍പ്പറേറ്റ് മാനേജര്‍ ഫാ. തോമസ് പുതുശ്ശേരി സി.എം.ഐ. എന്നിവര്‍ രക്ഷാധികാരികളായിരിക്കും. ജനറല്‍ കണ്‍വീനറായി പ്രിന്‍സിപ്പല്‍ എ.ജെ. ജോസഫിനെയും ജോയിന്റ് ജനറല്‍ കണ്‍വീനറായി ഹെഡ്മാസ്റ്റര്‍ വില്‍സണ്‍ ഫിലിപ്പിനെയും, ട്രഷററായി ഈരാറ്റുപേട്ട ഉപജില്ലാ വിദ്യാഭ്യാസ ഓഫിസര്‍ അബ്ദുള്ള റസാക്ക് കെ.എസിനെയും തിരഞ്ഞെടുത്തു. യോഗത്തില്‍ സ്‌കൂള്‍ മാനേജര്‍ ഡോ. ജോസ് വലിയമറ്റം സി.എം.ഐ, പി.റ്റി.എ. പ്രസിഡന്റ് വി.എസ്. ശശിധരന്‍ പ്രസംഗിച്ചു.