കൊച്ചി: കൊച്ചിയില്‍ ബാര്‍ജില്‍ കോണ്ടുപോയ അമോണിയ ചോര്‍ന്നു. ഇന്നു വൈകിട്ട് ആറു മണിയോടെയാണ് ചോര്‍ച്ചയുണ്ടായത്. എഫ്.എ.സി.ടിയുടെ ചമ്പക്കരയിലെ ബാര്‍ജില്‍ നിന്നുളള അമോണിയ വാതകമാണ് വൈറ്റിലക്ക് സമീപം തൈക്കൂടത്ത് വച്ച് ചോര്‍ന്നത്. ചോര്‍ച്ച നിയന്ത്രണവിധേയമാക്കാനുള്ള ശ്രമം തുടരുകയാണ്.

അമ്പലമുകളിലെ ഫാക്ടറിയിലേക്ക് ബാര്‍ജില്‍ കൊണ്ടുപോവുകയായിരുന്ന അമോണിയയാണ് ചോര്‍ന്നത്. 96 ടണ്‍ അമോണിയയാണ് ബാര്‍ജിലുണ്ടായിരുന്നത്. മുന്‍കരുതല്‍ നടപടിയുടെ ഭാഗമായി സമീപത്തെ സമീപത്തുള്ള കുടുംബങ്ങളെ ഒഴിപ്പിച്ചു. രണ്ടു കിലോമീറ്റര്‍ ദുരത്തേക്കാണ് ഇവരെ ഒഴിപ്പിച്ചത്. ചോര്‍ച്ച നിയന്ത്രണ വിധേയമാക്കാനും നടപടികള്‍ സ്വീകരിക്കാനും ദുരന്തനിവാരണ അതോറിറ്റിക്ക് ജില്ലാ കലക്ടര്‍ നിര്‍ദേശം നല്‍കി. സംഭവത്തില്‍ പരിഭ്രാന്തരാവേണ്ടതില്ലെന്ന് അധികൃതര്‍ അറിയിച്ചു.