തിരുവനന്തപുരം: ജില്ലാ സഹകരണ ബാങ്കുകളെ തകര്‍ക്കാനുള്ള കേന്ദ്ര സര്‍ക്കാരിന്റേയും ആര്‍.ബി.ഐയുടേയും ആസൂത്രിത നീക്കത്തിനെതിരേ സംസ്ഥാനത്തെ ജില്ലാ സഹകരണ ബാങ്കുകളിലെ സംയുക്തസംഘടനകളുടെ ആഭിമുഖ്യത്തില്‍ പ്രക്ഷോഭം സംഘടിപ്പിക്കുമെന്നു ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു. ഇതിന്റെ മുന്നോടിയായി ഇന്നു രാവിലെ പത്തിനു തിരുവനന്തപുരം ആര്‍.ബി.ഐ ഓഫീസിലേക്ക് മാര്‍ച്ച് നടത്തും. പ്രതിപക്ഷനേതാവ് രമേശ് ചെന്നിത്തല ഉദ്ഘാടനം ചെയ്യും.