തൃശൂര്‍: അധികാരവികേന്ദ്രീകരണം ശക്തിപ്പെടുത്തുന്നതിനു നല്‍കിവരുന്ന സേവനങ്ങള്‍ പരിഗണിച്ച് മന്ത്രി ഡോ.തോമസ് ഐസകിനും കില ഡയറക്ടര്‍ ഡോ.പി.ബാലനും കോമണ്‍വെല്‍ത്ത് ലോക്കല്‍ ഗവണ്‍മെന്റ് ഫോറം പ്രഖ്യാപിച്ച പുരസ്‌കാരങ്ങള്‍ സമ്മാനിച്ചു. കിലയില്‍ നടന്നുവരുന്ന രാജ്യാന്തരസമ്മേളനത്തോടനുബന്ധിച്ച് നടന്ന ചടങ്ങില്‍ സി.ഐ.ആര്‍.ഡി.എ.പി ഡയറക്ടര്‍ ജനറല്‍ ടെവിത ജി.ബി. അധ്യക്ഷത വഹിച്ചു. ശ്രീലങ്കയിലെ ലോക്കല്‍ ഗവണ്‍മെന്റ് സെക്രട്ടറി കമാല്‍ പത്മശ്രീ, കില ഡയറക്ടര്‍ ഡോ.ബാലന്‍, ഡോ.മീനാക്ഷി സുന്ദരം, ഡോ.സണ്ണി ജോര്‍ജ് തുടങ്ങിയവര്‍ സംസാരിച്ചു. കോമണ്‍വെല്‍ത്ത് ലോക്കല്‍ ഗവണ്‍മെന്റ് ഫോറം സെക്രട്ടറി ജനറല്‍ ഡോ. ഗ്രെഗ് മുന്റോ ഡോ.തോമസ് ഐസകിനും ഡോ.പി.ബാലനും അവാര്‍ഡുകള്‍ നല്‍കി.