ദോഹ: വയനാട് വാകേരി ശിഹാബ് തങ്ങള്‍ ഇസ്‌ലാമിക് അക്കാദമിയുടെ പ്രചരണാര്‍ഥം ഖത്തര്‍ സന്ദര്‍ശിക്കുന്ന എസ്.കെ.എസ്.എസ്.എഫ് സംസ്ഥാന പ്രസിഡന്റും ശിഹാബ് തങ്ങള്‍ ഇസ്‌ലാമിക് അക്കാദമി പ്രസിഡന്റുമായ പാണക്കാട് സയ്യിദ് ഹമീദലി ശിഹാബ് തങ്ങള്‍ക്കും പ്രസിന്‍സിപ്പാള്‍ വി.കെ അബ്ദുറഹ്്മാന്‍ ദാരിമി, എസ്.വൈ.എസ് ജില്ലാ സെക്രട്ടറി കെ.എ നാസര്‍ മൗലവി എന്നിവര്‍ക്കും, സമസ്തയുടെയും കെ.എം.സി.സിയുടെയും മജ്‌ലിസ് ഖത്തര്‍ ചാപ്റ്ററിന്റെയും ആഭിമുഖ്യത്തില്‍ വ്യാഴാഴ്ച ഉച്ചയ്ക്ക് 12 മണിക്ക് ഖത്തര്‍ ഹിലാല്‍ കെ.എം.സി.സി ഹാളില്‍ സ്വീകരണവും പ്രാര്‍ഥനാ സദസും സംഘടിപ്പിക്കും.

2009 ല്‍ മര്‍ഹൂം പാണക്കാട് സയ്യിദ് മുഹമ്മദലി ശിഹാബ് തങ്ങളുടെ സ്മാരകമായി വയനാട് ജില്ലയില്‍ വാകേരിയില്‍ സ്ഥാപിതമായ സ്ഥാപനത്തിന് ഈ വര്‍ഷം ചെമ്മാട് ദാറുല്‍ ഹുദാ ഇസ്‌ലാമിക് യൂനിവേഴ്‌സിറ്റിയുടെ അഫിലിയേഷന്‍ ലഭിച്ചിരിക്കുകയാണ്. വയനാട് ജില്ലയിലെ ഏക ഹുദവി കോഴ്‌സാണിത്. പിന്നോക്ക പ്രദേശമായ വയനാട്ടിലെ ദീനിപ്രബോധന മേഖലയില്‍ പുതിയൊരു മുന്നേറ്റത്തിന് തുടക്കം കുറിച്ച സ്ഥാപനത്തില്‍ ഇപ്പോള്‍ അന്‍പതോളം വിദ്യാര്‍ഥികള്‍ പഠനം തുടരുന്നു.