തളിപ്പറമ്പ്: വൈ.എം.സി.എ തളിപ്പറമ്പിന്റെ ആഭിമുഖ്യത്തില്‍ സമ്മര്‍ ഫെസ്റ്റ് 2016 നടത്തുന്നു. മെയ് 22 രണ്ടു മുതല്‍ പുഷ്പഗിരി വൈ.എം.സി.എ കോംപ്ലക്‌സില്‍ പൊതുജനങ്ങള്‍ക്കായി വിവിധയിനം മത്സരങ്ങള്‍, ഗെയിമുകള്‍, ഡിസ്‌പ്ലേകള്‍ തുടങ്ങിയവ സംഘടിപ്പിക്കും. കണ്ണൂര്‍, കാസര്‍കോട് ജില്ലയിലെ 15 ടീമുകള്‍ പങ്കെടുക്കുന്ന 25,000 രൂപ പ്രൈസ് മണിയുള്ള വടംവലി മത്സരം ഇതിന്റെ പ്രധാന ആകര്‍ഷകമാണ്. കൂടാതെ ബാസ്‌ക്കറ്റ് ബോള്‍ മത്സരം, റോളര്‍ സ്‌കേറ്റിംഗ്, ഫണ്‍ ഗെയിമുകള്‍, വാഹന പ്രദര്‍ശനങ്ങള്‍, ഗാനമേള തുടങ്ങിയവയും ഉണ്ടായിരിക്കുമെന്ന് സംഘാടകര്‍ അറിയിച്ചു. വാര്‍ത്താസമ്മേളനത്തില്‍ ഡോ.ജോസ്ഫ് ബെനവന്‍, ടി ജോണ്‍, ബാബൂ മണലില്‍ എന്നിവര്‍ പങ്കെടുത്തു.