കോഴിക്കോട്: എസ്. കെ. എസ്. എസ്. എഫ് സംസ്ഥാന കമ്മിറ്റിയുടെ കീഴില്‍ 2016 ഡിസംബര്‍ 27 മുതല്‍ 2017 ജനുവരി ഒന്നു വരെ നടക്കുന്ന ലീഡേഴ്‌സ് കാരവന്റെ ഭാഗമായി സംസ്ഥാനത്തെ നാല് കേന്ദ്രങ്ങളിലായി മേഖല സാരഥി സംഗമങ്ങള്‍ നടത്തി. മദീന പാഷന്‍,ക്ലസ്റ്റര്‍ അദാലത്ത്, സത്യധാര കാംപയിന്‍, സോഷ്യല്‍ സര്‍വേ, കര്‍മ നിധി തുടങ്ങിയ പദ്ധതികളുമായിട്ടാണ് ലീഡേഴ് കാരവന്‍ നടത്തുന്നത്.
കോഴിക്കോട്, വയനാട് ജില്ലകളുടെ സാരഥി സംഗമം കോഴിക്കോട് സുപ്രഭാതം ഓഡിറ്റോറിയത്തിലും, മംഗലാപുരം, കൊടക്, കാസര്‍കോട്, കണ്ണൂര്‍ ജില്ലകളുടെ സാരഥി സംഗമം കാഞ്ഞങ്ങാടും നടന്നു. മലപ്പുറം, നീലഗിരി ജില്ലകളുടെ സാരഥി സംഗമം മലപ്പുറം സുന്നി മഹലിലും, പാലക്കാട്, തൃശൂര്‍ ജില്ലകളുടെ സാരഥി സംഗമം മേലെ പട്ടാമ്പി മദ്‌റസ ഓഡിറ്റോറിയത്തിലും നടന്നു. വിവിധ സംഗമത്തില്‍ എസ്.കെ.എസ്.എസ്.എഫ് സംസ്ഥാന ട്രഷറര്‍ ബഷീര്‍ ഫൈസി ദേശമംഗലം, സയ്യിദ് ശിഹാബുദ്ദീന്‍ തങ്ങള്‍ വല്ലപ്പുഴ, ഹസന്‍ സഖാഫി പുക്കോട്ടൂര്‍, എസ്.കെ.എസ്.എസ്.എഫ് സംസ്ഥാന വര്‍ക്കിങ് സെക്രട്ടറി റശീദ് ഫൈസി വെള്ളായിക്കോട്, വി.കെ.എച്ച് ഹാറൂണ്‍ റശീദ്, ശഹീര്‍ അന്‍വരി പുറങ്ങ്, അബ്ദുല്‍ ഖാദര്‍ ഫൈസി തലക്കശ്ശേരി, ഇബ്രാഹീം ഫൈസി പഴുന്നാന, ഹാരിസ് ദാരിമി ബെദിര, സിദ്ധീഖ് ബദ്‌രി തൃശൂര്‍, ഫസ്‌ലു സാദത്ത് ഖത്തര്‍, നൗഷാദ് ഫൈസി കൊടക് എന്നിവര്‍ സംബന്ധിച്ചു.
തെക്കന്‍ മേഖലാ സാരഥി സംഗമം നവംബര്‍ 26 ന് വൈകിട്ട് 3.30 ന് ആലപ്പുഴ നീര്‍ക്കുന്നം ഇസ്‌ലാമിക് സെന്ററില്‍ വച്ച് നടക്കും. തിരുവനന്തപുരം, കൊല്ലം, കോട്ടയം, പത്തനംതിട്ട, ആലപ്പുഴ, ഇടുക്കി, എറണാകുളം, ജില്ലകളിലെ ജില്ലാ, മേഖല പ്രതിനിധികള്‍ പങ്കെടുക്കും.