തലശ്ശേരി: ഒാട്ടോറിക്ഷയില്‍ കടത്തുകയായിരുന്ന 40 കുപ്പി വിദേശമദ്യവുമായി യുവാവിനെ എക്‌സൈസ് സംഘം പിടികൂടി. പാട്യം സ്വദേശി പ്രകാശനെയാണ്(42) എക്‌സൈസ് ഇന്‍സ്‌പെക്ടര്‍ പി രാജേഷിന്റെ നേതൃത്വത്തിലുള്ള് സ്‌പെഷല്‍സ്‌ക്വാഡ് അറസ്റ്റു ചെയ്തത്. ഇന്നലെ രാവിലെ എരഞ്ഞോളിയില്‍ വാഹന പരിശോധനക്കിടയിലാണ് ഇയാള്‍ പിടിയിലായത്. തലശ്ശേരി ഫസ്റ്റ്ക്ലാസ് മജിട്രേറ്റ് കോടതിയില്‍ ഹാജരാക്കിയ പ്രകാശനെ റിമാന്റ് ചെയ്തു. മദ്യം കടത്തിയ ഓട്ടോയും കസ്റ്റഡിയിലെടുത്തു.