തിരുവനന്തപുരം: മലപ്പുറം ജില്ലാ കലക്ടര്‍ എ. ഷൈനമോളെ കേരള വാട്ടര്‍ അതോറിറ്റി ഡയരക്ടറായി മാറ്റി നിയമിക്കാന്‍ മന്ത്രിസഭായോഗം തീരുമാനിച്ചു. അമിത് മീണയാണ് പുതിയ മലപ്പുറം കലക്ടര്‍.
തുറമുഖ വകുപ്പ് ഡയറക്ടറായി പട്ടീല്‍ അജിത് ഭഗവത്‌റാവുവിനെ നിയമിച്ചു. സര്‍വേ ആന്റ് ലാന്റ് റിക്കോര്‍ഡ്‌സ് വകുപ്പ് ഡയറക്ടറായി ഗോപാലകൃഷ്ണനെ നിയമിച്ചു. ഹരിത വി. കുമാറാണ് കൊച്ചി കോര്‍പറേഷന്റെ പുതിയ സെക്രട്ടറി. കോഴിക്കോട് കോര്‍പറേഷന്‍ സെക്രട്ടറിയായി ജോഷി മൃണ്‍മയി ശശാങ്കിനെ നിയമിച്ചു.
തിരുവനന്തപുരം കോര്‍പറേഷന്‍ സെക്രട്ടറിയായി നരസിംഹുഗാരി ടി. എല്‍ റെഡ്ഡിയെയും തിരുവനന്തപുരം ജില്ലാ ഗവ. പ്ലീഡറായി അര്‍.ടി ദേവകുമാറിനെ നിയമിച്ചു. സ്റ്റേറ്റ് ഇന്‍സ്റ്റിറ്റ്യൂട്ട് ഓഫ് റൂറല്‍ ഡവലപ്‌മെന്റിനെ കിലയുമായി സംയോജിപ്പിക്കാനും തീരുമാനിച്ചു.