കല്‍പ്പറ്റ: എസ്.കെ.എസ്.എസ്.എഫ് ജില്ലാ സമ്മേളനം 2017 ഫെബ്രുവരി 17, 18, 19 തിയതികളില്‍ നടക്കുമെന്ന് സമസ്ത ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍ പ്രഖ്യാപിച്ചു. കല്‍പ്പറ്റയില്‍ സമസ്ത ജില്ലാ കോര്‍ഡിനേഷന്‍ കമ്മിറ്റി സംഘടിപ്പിച്ച ശരീഅത് സംരക്ഷണ റാലിയുടെ സമാപന സമ്മേളന വേദിയിലാണ് ആലിക്കുട്ടി മുസ്‌ലിയാര്‍ എസ്.കെ.എസ്.എസ്.എഫിന്റെ ജില്ലാസമ്മേളന പ്രഖ്യാപനം നടത്തിയത്.
നന്മയുടെ നൂറുകൂട്ടം പദ്ധതികളുമായി സംഘടനാ രംഗത്ത് പുതിയ അധ്യായം രചിച്ച് 'മദീനപാഷന്‍' എന്ന പേരിലുള്ള സമ്പൂര്‍ണ്ണ ജില്ലാ സമ്മേളനം മീനങ്ങാടി ഹുദൈബിയ നഗറിലാണ് നടക്കുക. സമ്മേളനത്തിന്റെ ലോഗോ പ്രകാശനവും ആലിക്കുട്ടി മുസ്‌ലിയാര്‍ നിര്‍വഹിച്ചു.