തളിപ്പറമ്പ്: തളിപ്പറമ്പ് നോര്‍ത്ത് ഉപജില്ലാ സ്‌കൂള്‍ കലോത്സവത്തിനു നാളെ തിരിതെളിയും. 25 മുതല്‍ മത്സരങ്ങള്‍ പരിയാരം കെ.കെ.എന്‍.പി.എം ഹയര്‍സെക്കന്‍ഡറി സ്‌കൂളില്‍ നടക്കും. 28ന് രാവിലെ 9ന് കലക്ടര്‍ മിര്‍ മുഹമ്മദലി ഉദ്ഘാടനം ചെയ്യും. 30ന് സമാപിക്കും. കലോത്സവത്തോടനുബന്ധിച്ച് വിളംബരഘോഷയാത്ര സംഘടിപ്പിച്ചു. കോരന്‍പീടികയില്‍ നിന്നു ആരംഭിച്ച് ഏമ്പേറ്റ് വഴി സ്‌കൂളില്‍ സമാപിച്ചു. പരിയാരം പഞ്ചായത്ത് പ്രസിഡന്റ് എ രാജേഷ് സ്‌കൂള്‍ ലീഡര്‍ കെ.വി പ്രഹര്‍ഷയ്ക്ക് ഫഌഗ് കൈമാറി വിളംബരജാഥ ഉദ്ഘാടനം ചെയ്തു.