തൃശൂര്‍: സംസ്ഥാന ജൈവവൈവിധ്യ ബോര്‍ഡ് അന്തര്‍ദേശീയ ജൈവവൈവിധ്യ ദിനത്തോടനുബന്ധിച്ച് സംഘടിപ്പിച്ച ഗ്രീന്‍ ഇമേജസ് 2016 ഡിജിറ്റല്‍ ഫോട്ടോഗ്രാഫി മത്സരത്തിലെ വിജയികളെ പ്രഖ്യാപിച്ചു.
ഇവര്‍ക്കുള്ള സമ്മാനം മെയ് 23 ന് രാവിലെ 10 ന് തിരുവനന്തപുരം കേരള സംസ്ഥാന ശാസ്ത്ര സാങ്കേതിക മ്യൂസിയം ആന്റ് പ്രിയദര്‍ശിനി പ്ലാനറ്റോറിയത്തില്‍ പ്രിന്‍സിപ്പല്‍ സെക്രട്ടറി ജെയിംസ് വര്‍ഗീസ് വിതരണം ചെയ്യും. ആഷിക് പോള്‍, ആകാശ് കിഷന്‍, ജി.സൂര്യദത്ത എന്നിവരാണ് കുട്ടികളുടെ വിഭാഗത്തില്‍ ഒന്ന്, രണ്ട്, മൂന്ന് എന്നീ സ്ഥാനങ്ങള്‍ നേടിയത്.
പ്രോത്സാഹന സമ്മാനങ്ങള്‍ഹരി മുരളി, നന്ദന പി, വൈഷ്ണവ് കെ.റ്റി, വൈശാഖ് ടി.പി എന്നിവര്‍ കരസ്ഥമാക്കി. മുതിര്‍ന്നവരുടെ വിഭാഗത്തില്‍ എ.എസ്. ശശി, സുജന്‍ സര്‍കാര്‍, സുരേഷ് കുമാര്‍ എന്‍ എന്നിവര്‍ ഒന്ന്, രണ്ട്, മൂന്ന് സ്ഥാനങ്ങള്‍ നേടി. പ്രോത്സാഹന സമ്മാനങ്ങള്‍ ബെന്നി അജന്ത, കുണ്ടല്‍ കുമാര്‍ റോയ്, മണികണ്ഠന്‍ എ.വി, പ്രശാന്ത് പട്ടാന്‍, സുധാകരന്‍ ചിത്രമാളിക, ബദറുദ്ദീന്‍ സി.എം എന്നിവര്‍ പങ്കുവച്ചു.