മലപ്പുറം: ജില്ലാ ബധിര സ്‌പോര്‍ട്‌സ് കൗണ്‍സിലിന്റെ ആഭിമുഖ്യത്തില്‍ കൂട്ടിലങ്ങാടി എം.എസ്.പി ഗ്രൗണ്ടില്‍ നടന്ന ജില്ലാ ബധിര ക്രിക്കറ്റ് ചാംപ്യന്‍ഷിപ്പില്‍ പരപ്പനങ്ങാടി യങ് ചലഞ്ചേഴ്‌സ് ബധിര ക്ലബ് കിരീടം നിലനില്‍ത്തി.
ഫൈനലില്‍ പെരിന്തല്‍മണ്ണ ഫ്രണ്ട്‌സ് സ്‌പോര്‍ട്‌സ് ആന്‍ഡ് വെല്‍ഫെയര്‍ ബധിര ക്ലബിനെ 14 റണ്‍സിനു തോല്‍പ്പിച്ചു. ടൂര്‍ണമെന്റിലെ മികച്ച ബാറ്റ്‌സ്മാനായി മുഹമ്മദ് റഫീഖ് (ഫ്രണ്ട്‌സ് ക്ലബ് പെരിന്തല്‍മണ്ണ), ബൗളറായി അര്‍ജുന്‍ (യങ് ചലഞ്ചേഴ്‌സ് ക്ലബ് പരപ്പനങ്ങാടി) എന്നിവര്‍ തെരഞ്ഞെടുക്കപ്പെട്ടു.
വിജയികള്‍ക്കു ജില്ലാ ബധിര സ്‌പോര്‍സ് കൗണ്‍സില്‍ ചെയര്‍മാന്‍ നാസര്‍ പാലക്കല്‍, കേരള ബധിര സ്‌പോര്‍ട്‌സ് കൗണ്‍സില്‍ അസി. സെക്രട്ടറി എ. മുജീബ് റഹ്മാന്‍ എന്നിവര്‍ ട്രോഫികള്‍ വിതരണം ചെയ്തു. അബ്ദുല്‍ വഹാബ്, ഇ.കെ നൗഷാദ് സംസാരിച്ചു.