ഒറ്റപ്പാലം: ഡിസംബര്‍ മൂന്നിന് ശനിയാഴ്ച പാലക്കാട് നടക്കുന്ന ജില്ലാ ശരീഅത്ത് സംരക്ഷണ റാലിയോടനുബന്ധിച്ച് ജില്ലയിലെ ഖതീബുമാര്‍ക്ക് പരിശീലനം നല്‍കുന്നതിന്റെ ഭാഗമായി ജില്ലാ ഖതീബ് സംഗമം ഒറ്റപ്പാലം ദാറുല്‍ഖൈറാത്ത് യതീംഖാന ഓഡിറ്റോറിയത്തില്‍ നടന്നു. എസ്.വൈ.എസ് സംസ്ഥാന വൈസ് പ്രസിഡന്റ് പി.കെ. ഇമ്പിച്ചിക്കോയ തങ്ങള്‍ അധ്യക്ഷനായി. എസ്.കെ.ജെ.എം.സി.സി. പ്രസിഡന്റ് സി.കെ.എം. സ്വാദിഖ് മുസ്‌ലിയാര്‍ ഉദ്ഘാടനം ചെയ്തു. മുത്ത്വലാഖ് വിഷയത്തില്‍ സുന്നി മഹല്ല് ഫെഡറേഷന്‍ സംസ്ഥാന ജനറല്‍ സെക്രട്ടറി ഉമര്‍ ഫൈസി മുക്കം, ഏകസിവില്‍കോഡിന്റെ അപകടങ്ങളെ കുറിച്ച് എസ്.കെ.എസ്.എസ്.എഫ്. സംസ്ഥാന ഉപാധ്യക്ഷന്‍ ഹബീബ് ഫൈസി ക്ലാസെടുത്തു. ഇ. അലവി ഫൈസി കുളപ്പറമ്പ് നേതൃത്വം നല്‍കി. ജി.എം. സലാഹുദ്ദീന്‍ ഫൈസി വല്ലപ്പുഴ, സി. മുഹമ്മദ്കുട്ടി ഫൈസി അലനല്ലൂര്‍, ടി.കെ. മുഹമ്മദ്കുട്ടി ഫൈസി പട്ടാമ്പി, ടി.പി. അബൂബക്കര്‍ മുസ്‌ലിയാര്‍, സിറാജുദ്ദീന്‍ മൗലവി, ഇ.വി. ഖാജദാരിമി സംസാരിച്ചു. സി. മുഹമ്മദാലി ഫൈസി സ്വാഗതവും പി.എം. യൂസുഫ് പത്തിരിപ്പാല നന്ദിയും പറഞ്ഞു.