പോത്തന്‍കോട്: പ്രായപൂര്‍ത്തിയാകാത്ത പെണ്‍കുട്ടിയെ വിവാഹ വാഗ്ദാനം നല്‍കി കൂട്ടി കൊണ്ട് പോയി പീഡിപ്പിച്ച യുവാവിനെ വട്ടപ്പാറ പോലിസ് അറസ്റ്റു ചെയ്തു.
ആയൂര്‍ പെരുംകുഴി കാറ്റാടിമുക്ക് മല്ലന്‍ വിള വീട്ടില്‍ സുജിത്ത് (22) ആണ് പിടിയിലായത്. വട്ടപ്പാറ വേങ്കോട് സ്വദേശിയായ പെണ്‍കുട്ടിയെ ബന്ധു കൂടിയായ യുവാവ് കഴിഞ്ഞ നാലാം തീയതി മുതല്‍ എറണാകുളം തൃശൂര്‍ ആലപ്പുഴ,തിരുവനന്തപുരം വലിയവിള എന്നീ സ്ഥലങ്ങളില്‍ കൂട്ടികൊണ്ട് പോയി പീഡിപ്പിക്കുകയായിരുന്നു. പ്രതി പോലിസ് പിടിയിലാകാതിരിക്കാന്‍ എല്ലാ ജില്ലകളിലും സിം കാര്‍ഡുകള്‍ മാറ്റിയാണ് ഉപയോഗിച്ചിരുന്നത് . തിരുവനന്തപുരം റൂറല്‍ സൈബര്‍ സെല്ലിന്റെ സഹായത്തോടെ ആണ് പ്രതിയെ പൊലിസ് കുടുക്കിയത്.