ഫ്‌ളോറിഡ: വീട്ടിലെത്തിയ അതിഥികള്‍ പോകാന്‍ തയ്യാറാകാത്തതിനെ തുടര്‍ന്ന് യുവതി അവര്‍ക്ക്‌നേരെ വെടിയുതിര്‍ത്തു. സംഭവത്തില്‍ ഒരാള്‍ക്ക് പരുക്കേറ്റു. 32 കാരിയായ അലാന അന്നെറ്റെ സാവെല്‍ ആണ് അതിഥികള്‍ക്ക് നേരെ വെടിയുതിര്‍ത്തത്. ഫ്‌ളോറിഡയിലെ പനാമ സിറ്റിയിലാണ് സംഭവം നടന്നത്.

തിങ്കളാഴ്ച്ച രാവിലെയായിരുന്നു സംഭവം. പരിചയക്കാരായ സ്ത്രീയും പുരുഷനും സമയം ചെലവഴിക്കാനാണ് അലാനയുടെ വീട്ടിലെത്തിയത്. മദ്യപാനവും സംസാരവുമായി ദീര്‍ഘനേരം ഇവര്‍ വീട്ടില്‍ ചെലവഴിച്ചു. സമയം ഏറെ വൈകിയതോടെ ഇവരോട് പോകാന്‍ അലാന ആവശ്യപ്പെട്ടു.പക്ഷേ പലവട്ടം ആവശ്യപ്പെട്ടിട്ടും അതിഥികള്‍ പോകാന്‍ തയ്യാറാകാത്തതിനെ തുടര്‍ന്ന് അലാന അവര്‍ക്ക് നേരെ വെടിയുതിര്‍ക്കുകയായിരുന്നു.

കാമുകന്റെ നിര്‍ദ്ദേശ പ്രകാരമാണ് അലാന വെടിവെച്ചതെന്നാണ് റിപ്പോര്‍ട്ട്. വീട്ടില്‍ കയറി വന്ന് ആരെങ്കിലും ശല്ല്യം ചെയ്താല്‍ തോക്കെടുത്ത് അവരുടെ കാലിന് നേരെ വെടിവെക്കാന്‍ താന്‍ നിര്‍ദ്ദേശം നല്‍കിയിരുന്നതായി അലാനയുടെ കാമുകന്‍ ബെന്‍ പൊലിസിന് മൊഴി നല്‍കി. ഇരുവരേയും പൊലിസ് കസ്റ്റഡിയിലെടുത്തിട്ടുണ്ട്.