ന്യൂഡല്‍ഹി: നോട്ട് പിന്‍വലിക്കലിനെ തുടര്‍ന്നുണ്ടായ പ്രശ്‌നങ്ങള്‍ പരിഹരിക്കാന്‍ സര്‍ക്കാര്‍ ആശ്വാസ നടപടികള്‍ സ്വീകരിക്കണമായിരുന്നെന്നും നോട്ട് പിന്‍വലിക്കല്‍ തീരുമാനത്തിനുമുമ്പ് നടപ്പാക്കലിനെ സംബന്ധിച്ചു കാര്യമായി ചിന്തിക്കണമായിരുന്നെന്നും രത്തന്‍ ടാറ്റ.രാജ്യത്തെ പാവപ്പെട്ട ജനങ്ങള്‍ അവരുടെ ദൈനംദിനാവശ്യങ്ങള്‍ക്കായി കഷ്ടപ്പെടുകയാണ്.
പുതിയ നോട്ടുകള്‍ വിതരണം പൂര്‍ത്തിയാക്കാന്‍ ശ്രമിക്കുന്നതിനൊപ്പം സര്‍ക്കാര്‍ ദേശീയ ദുരന്തസമയങ്ങളില്‍ നടത്തുന്നതിനു സമാനമായ ആശ്വാസനടപടികള്‍ സ്വീകരിക്കണമെന്നും അദ്ദേഹം പറഞ്ഞു.

റിഫൈനറിയില്‍ തീപിടുത്തം

അഹമദാബാദ്: ഗുജറാത്തില്‍ റിലയന്‍സിന്റെ എണ്ണ സംസ്‌ക്കരണശാലയിലുണ്ടായ തീപിടിത്തത്തില്‍ രണ്ടു പേര്‍ മരിച്ചു. ജംനാ നഗറിലെ റിലയന്‍സ് ഇന്‍ഡസട്രീസിന്റെ ശാലയിലാണ് അപകടം. എട്ടോളം ജീവനക്കാര്‍ക്ക് പൊള്ളലേറ്റിട്ടുണ്ട്.
കഴിഞ്ഞ ദിവസം രാവിലെ പെട്രോള്‍ നിര്‍മാണ യൂനിറ്റിലാണ് അപകടമുണ്ടായത്. ദിനംപ്രതി ആറര ലക്ഷത്തിലേറെ ബാരല്‍ പെട്രോള്‍ സംസ്‌ക്കരിച്ചെടുക്കുന്ന യൂനിറ്റാണിത്. മരിച്ച ജീവനക്കാരുടെയോ പരുക്കേറ്റവരുടെയോ വിശദാംശങ്ങള്‍ വ്യക്തമല്ല.