കരുളായി: ഏറ്റുമുട്ടലില്‍ കൊല്ലപ്പെട്ട രണ്ടു മാവോവാദികളുടെ മൃതദേഹങ്ങളുമായി വനത്തിനുള്ളില്‍ കാവലിരിക്കുന്നത് 60 പൊലിസ് ഉദ്യോഗസ്ഥര്‍. എന്നാല്‍, കൊല്ലപ്പെട്ടവരുടെ മൃതദേഹങ്ങളുമായി പൊലിസ് രാത്രി വൈകിയും തിരിച്ചെത്തിയിട്ടില്ല.
ഇന്ന് ഉന്നത ഉദ്യോഗസ്ഥര്‍ വനത്തിലെത്തി ഇന്‍ക്വസ്റ്റ് നടത്തിയശേഷം മാത്രമേ ഇവര്‍ തിരിച്ചെത്തൂവെന്നാണ് അറിയുന്നത്. വെടിവയ്പില്‍ ചിതറിയോടിയവരെക്കൂടി പിടികൂടുകയെന്ന ലക്ഷ്യവും വനത്തിനുള്ളിലെ പൊലിസിനുണ്ട്. രാത്രിയില്‍ വനത്തിനുള്ളിലെ മറ്റു മാവോവാദികളില്‍നിന്നു പ്രത്യാക്രമണമുണ്ടാകാനും സാധ്യതയുണ്ട്.
വനത്തിനുള്ളിലുള്ളവരുമായി ആശയവിനിമയം നടത്താനുള്ള ബുദ്ധിമുട്ടും ഉദ്യോഗസ്ഥരെ വലക്കുന്നുണ്ട്.