ബാഗ്ദാദ്: ഇറാക്കിന്റെ തലസ്ഥാനമായ ബാഗ്ദാദില്‍ പെട്രോള്‍ പമ്പില്‍ ഐഎസ് നടത്തിയ ചാവേറാക്രമണത്തില്‍ മരിച്ചവരുടെ എണ്ണം 97 ആയി. നിരവധി പേര്‍ക്ക് പരുക്കേറ്റു. ബാഗ്ദാദിലെ ഹില്ലാ നഗര പ്രാന്തത്തിലെ പെട്രോള്‍ പമ്പിലാണ് ആക്രമണം നടന്നത്.

കര്‍ബലയിലെ തീര്‍ഥാടനത്തിനുശേഷം നാട്ടിലേക്കു മടങ്ങിയ ഇറാന്‍കാരാണു കൊല്ലപ്പെട്ടവരില്‍ ഭൂരിഭാഗവും. ബസിലേക്ക് അമോണിയം നൈട്രേറ്റ് നിറച്ച ട്രക്ക് ഐഎസ് ചാവേര്‍ ഇടിച്ചു കയറ്റിയാണ് അപകടമുണ്ടായത്. ഇസ്‌ലാമിക് സ്റ്റേറ്റ് ആക്രമണത്തിന്റെ ഉത്തരവാദിത്വം ഏറ്റെടുത്തു.