ചീരാല്‍: കരിയര്‍ ഗൈഡന്‍സ് ജില്ലാ സെന്റര്‍, സ്‌കൂള്‍ കരിയര്‍ ഗൈഡന്‍സ് യൂനിറ്റ്, സ്‌കൂള്‍ എന്‍.എസ്.എസ് യൂനിറ്റ് എന്നിവയുടെ ആഭിമുഖ്യത്തില്‍ മിഷന്‍ പ്ലസ് വണ്‍ ഏകദിന ശില്‍പ്പശാല സംഘടിപ്പിച്ചു.
ചീരാല്‍ ഗവ. ഹോസ്പിറ്റല്‍ മെഡിക്കല്‍ ഓഫീസര്‍ ഡോ ബിജുനേഷ് ഉദ്ഘാടനം ചെയ്തു. പി.ടി.എ പ്രസിഡന്റ് കെ.വി ശശി അധ്യക്ഷനായി. കരിയര്‍ ഗൈഡന്‍സ് ക്ലാസ്സ്, കരിയര്‍ എക്‌സിബിഷന്‍, ഏകജാലക പ്രവേശന നടപടികള്‍ എന്നിവയെ കുറിച്ച് സിജി സീനിയര്‍ കൗണ്‍സിലര്‍ മജീദ് തെനേരിയും ഏകജാലക പ്രവേശന നടപടികള്‍ വിവിധ ഗ്രൂപ്പുകള്‍ തെരഞ്ഞെടുക്കുന്ന വിധം പ്രവേശന സാധ്യതകള്‍ എന്നിവയെക്കുറിച്ച് പി.എ അബ്ദുള്‍ നാസറും ക്ലാസെടുത്തു.
എന്‍.എസ്.എസ് വളണ്ടിയര്‍മാരായ ഷറഫിയ, ഹിദാനാസര്‍, പി.ടി.എ വൈസ് പ്രസിഡന്റ് സുനില്‍ റാം, മദര്‍ പി.ടി.എ മെമ്പര്‍ ഫൗസിയ ഫക്രുദ്ദീന്‍, എന്‍.എസ്.എസ് വളണ്ടിയര്‍ കവിത സംസാരിച്ചു.
ചീരാല്‍ എച്ച്.എസ്.എസില്‍ പ്രവേശനം ആഗ്രഹിക്കുന്ന മുഴുവന്‍ കുട്ടികളുടേയും ഓണ്‍ലൈന്‍ അപേക്ഷാ സ്‌കൂള്‍ എന്‍.എസ്.എസ് യൂണിറ്റ് ചെയ്തു കൊടുക്കും. വിദ്യാര്‍ഥികള്‍ ഇന്നു രാവിലെ 10ന് സ്‌കൂളില്‍ എത്തിച്ചേരണമെന്ന് പ്രിന്‍സിപ്പാള്‍ അറിയിച്ചു.