ന്യൂഡല്‍ഹി: രണ്ട് വര്‍ഷത്തോളമായി കൗമാരക്കാരിയായ മകളെ പീഡിപ്പിച്ചുവന്ന പിതാവിനെ പൊലിസ് അറസ്റ്റ് ചെയ്തു. ഗോവിന്ദ്പുരി പൊലിസ് സ്റ്റേഷനില്‍ നല്‍കിയ പരാതിയുടെ അടിസ്ഥാനത്തിലാണ് പിതാവിനെ അറസ്റ്റ് ചെയ്തത്. പെണ്‍കുട്ടിയുടെ അധ്യാപിക മാതാവിനെ വിവരമറിയിച്ചതിനെ തുടര്‍ന്നാണ് സംഭവം പുറത്തറിയുന്നത്.

കഴിഞ്ഞ ചൊവ്വാഴ്ച്ചയാണ് അവസാനമായി പെണ്‍കുട്ടി പീഡനത്തിനിരയായത്. അമ്മ പുറത്ത് ജോലിക്ക് പോവുന്ന സമയത്താണ് പീഡനം നടത്തിയത്. മാനഭംഗപ്പെടുത്തിയ ശേഷം സംഭവം പുറത്തുപറഞ്ഞാല്‍ മാതാവിനേയും തന്നെയും കൊല്ലുമെന്ന് ഭീഷണിപ്പെടുത്തിയിരുന്നതായും പരാതിയില്‍ പറയുന്നു. ഇയാള്‍ മദ്യപാനത്തിനടിമായണെന്നും മുന്‍പ് അയല്‍വാസിയായ പെണ്‍കുട്ടിയെ പീഡിപ്പിച്ച കേസിലെ പ്രതിയാണെന്നും കണ്ടെത്തിയിട്ടുണ്ട്.