പാനൂര്‍: സംസ്ഥാനത്തെ മികച്ച പ്രദേശിക ലേഖകനുള്ള കെ.കെ രാജീവന്‍ സ്മാരക പത്ര പ്രവര്‍ത്തക അവാര്‍ഡിന് മാതൃഭൂമി കാസര്‍കോട് ബ്യൂറോയിലെ പി.പി ലിബിഷ്‌കുമാര്‍ അര്‍ഹനായി.
കൂത്തുപറമ്പ് രക്തസാക്ഷിയും ദേശാഭിമാനി പാനൂര്‍ ഏരിയ ലേഖകനുമായ കെ.കെ രാജീവന്റെ സ്മരണയ്ക്കായി പാനൂര്‍ കെ.കെ രാജീവന്‍ കലാ സാംസ്‌കാരിക വേദിയാണ് അവാര്‍ഡ് ഏര്‍പ്പെടുത്തിയത്. 5001 രൂപയും ശില്‍പവും പ്രശസ്തി പത്രവുമടങ്ങുന്ന അവാര്‍ഡ് ഇന്നു പാനൂരില്‍ നടക്കുന്ന അനുസ്മരണ സമ്മേളനത്തില്‍ വിതരണം ചെയ്യും. ഭാര്യ: ഷീജ. മക്കള്‍: ധ്യാന്‍, നിമ.